PKK/PYD terror təşkilatının İsveç banklarında açılan hesablarına göndərilən yardım və ianələri İraq və Suriyanın şimalında Türkiyə Silahlı Qüvvələrinə qarşı istifadə edilən silah və sursatların tədarükü üçün xərclədiyi üzə çıxıb.

PKK/PYD/YPG-nin İsveç bankındakı ortaq hesab nömrəsi deşifrə edilib.

Bu barədə jurnalist Əbdürrəhman Şimşək “A Haber”in canlı yayımında məlumat verib:

“İsveçdəki dərnəklər vasitəsilə ianə adı altında Qəndilə pul göndərilir. “Bankgirot” adlı bank vasitəsilə “məktəb təmiri”, “tibbi yardım” kimi adlar altında PKK-ya pul transfer edilir”.

Jurnalist artıq İsveçdən terror təşkilatına yardımın açıq formada aparıldığını deyib:

“Pullar açıq hesab vasitəsilə toplanır. İsveçdəki rəsmi sorğularda belə bu haqda məlumat əldə edə bilərsiniz. Pullar mobil ödəmə ilə birbaşa Qəndilə çatdırılır. Suriyada Əsədin qurbanına çevrilmiş uşaqların fotolarından istifadə edilərək pullar yığılır. Bu, birbaşa PKK-nın hesabıdır”.

Hələlik Ankaradan məsələ ilə bağlı rəsmi açıqlama verilməyib.