Xəbərlər



Nazirdən Azərbaycan futbolu ilə bağlı suala gözlənilməz CAVAB
Nazirdən Azərbaycan futbolu ilə bağlı suala gözlənilməz CAVAB


Gənclər və idman naziri Fərid Qayıbov “ASAN Radio”nun “QəbuldASAN” verilişinin qonağı olub.

Fanat.Az xəbər verir ki, o, bir sıra maraqlı məqamlara toxunub.

Onun sözlərinə görə, "Artıq komissiya yaradılıb və bölgələrdəki Olimpiya İdman Komplekslərinin fəaliyyəti araşdırılır. Bilirsiniz ki, 50 kompleksdən 39-u nazirliyin balansındadır. Bəzi komplekslər müasir tələblərə cavab vermir. Hesab edirəm ki, həmin obyektlər yavaş-yavaş öz rolunu tapacaq. Elə rayonlarımız var ki, orada 2-3 idman növü var. Bəzi rayonlarda yeni idman növlərini inkişaf etdirmək olar".

Qayıbov idman federasiyalarına nazirlərin rəhbərlik etməsinin effektiv nəticələr verdiyini vurğulayıb: "Bu təcrübə tək bizdə deyil, digər ölkələrdə də var. Bu, ictimai işdir və nazirlər üçün də maraqlıdır. Özlərini bu işə necə yönəltdiklərini görürəm. Yaxşı komanda formalaşdırıblar. Aralarında müsbət mənada rəqabət var. Son vaxtlar qazanılan nəticələr də bunu sübut edir".

Nazir verilişdə izləyicilərdən gələn sualları da cavablandırıb. Tamaşaçılardan birinin “Azərbaycan futbolunun səviyyəsi nə zaman yüksələcək?” sualına isə Qayıbov “bilmirəm” cavabını verib.
Baxış sayı: 28