Rusiyanın müdafiə naziri ordu generalı Sergey Şoyqu yeni il təbrikində Rusiya silahlı qüvvələrini dünyanın ən müasir və səmərəli ordularından biri adlandırıb. Alp.az Rusiya mediasına istinadən xəbər verir ki, ordu generalı yeni il təbrikində baş verə biləcək savaşlardan da danışıb: “Bu gün bizim silahlı qüvvələrimiz dünyanın ən müasir və effektiv qüvvələrindən biridir. Onlar ölkənin hərbi təhlükəsizliyini etibarlı şəkildə təmin edir, milli maraqlarını möhkəm qoruyur. Lakin bizə qarşı hər hansı bir təxribat olsa biz effektli cavab verməyə hazırıq”.

Nazir hər bir hərbçinin Rusiya ordusunun nüfuzunun möhkəmlənməsinə verdiyi töhfəni yüksək qiymətləndirib. “Rusiya ordusunun sıralarında xidmət etmək həqiqətən şərəfli və prestijli olub. Bu, sizin hamınızın böyük xidmətidir”, – ordu generalı bildirib.

O, əlavə edib ki, “2021-ci ildə yol hamar deyildi, lakin biz hədəflərə inamla getdik, daha təcrübəli olduq, gücləndik – ordu və donanmanı yenidən silahlandırdıq, onların döyüş qabiliyyətini gücləndirdik, xidmət şəraitini yaxşılaşdırdıq”.

“Biz bu gün dünyanın ən yaxşı ordusuna sahibik. Bizi hər hansı təhdidlə qorxutmaq olmaz. Bizi müharibəyə sövq edənlər anlamalıdırlar ki, Rusiya ordusu hər an müharibəyə hazırdır. deyə Şoyqu bildirib.