“Mən Ermənistan Respublikasının sərhədlərinə, ərazi bütövlüyünə, suverenliyinə, vətəndaşlarımızın həyatına, sərbəst və təhlükəsiz hərəkətinə, həmçinin bütün digər əsas hüquqlarına hər hansı təcavüzü yolverilməz hesab edirəm.”

GUNinfo.az xəbər verir ki, bu barədə Ermənistan prezidenti Armen Sarkisyan öz “Telegram” kanalında yazıb.

O, Azərbaycanı hədələməkdən də çəkinməyib:

“Respublikamıza kənar müdaxilə olarsa müvafiq dövlət orqanları və vəzifəli şəxslər dövlət konstitusiyasında və qanunlarda nəzərdə tutulmuş səlahiyyətləri çərçivəsində respublikamızın müdafiəsini, təhlükəsizliyini, ərazi bütövlüyünü və toxunulmazlığını təmin etmək üçün bütün tədbirləri görməyə və bütün vasitələrdən istifadə etməyə borcludurlar”.

Xatırladaq ki, Azərbaycan-Ermənistan sərhədində həyata keçiriləcək delimitasiya və demarkasiya prosesi Ermənistan tərəfinin müxtəlif bəhanələri və Rusiyanın xəritələrlə bağlı irəli sürdüyü fərqli versiyalar nəticəsində gecikdirilir.

Qeyd edək ki, bu məsələ ilə bağlı daha çox erməni baş nazir Nikol Paşinyanın açıqlamaları diqqət mərkəzində idi. Bu gün isə erməni prezident Armen Sarkisyan “cəsarətli” açıqlaması isə sükutu pozdu.

Kənan Bahadır / KAİM.az