Geri addım erməni lobbisini dəli edib.

Kanal.az xarici mediaya istinadən xəbər verir ki, ABŞ başda olmaqla, 10 ölkənin səfirinin geri addım atması erməni lobbisini özündən çıxarıb.

“Ölkələr kodla ünsiyyət qurmamalıdır. ABŞ-ın Türkiyə ilə bağlı siyasəti aydın olmalıdır. Bura lisey sinifi deyil” – deyə erməni lobbisi bəyanat yayıb.


Xatırladaq ki, ABŞ, Almaniya və Fransanın da daxil olduğu 10 ölkənin səfirləri ötən həftə Türkiyədə dörd ildir həbsdə saxlanılan Osman Kavalanın azadlığa buraxılması tələbi ilə çıxış ediblər. Müraciətə Hollandiya, Kanada, Danimarka, İsveç, Finlandiya, Norveç və Yeni Zelandiyanın səfirləri də qoşulub.

ABŞ-ın Ankaradakı səfirliyi isə bu gün fərqli mövqe sərgiləyərək diplomatların ev sahibi olan dövlətin (Türkiyənin) qanunlarına hörmət etməyə və onun daxili işlərinə qarışmamağa borclu olduğunu yazıb. Bunun 41-ci maddə ilə tənzimləndiyini əsas gətirib. Digər səfirlər də fikirlərini dəyişərək eyni mövqe nümayiş etdiriblər. Türk mediası səfirlərin bu hərəkətini “geri addım” kimi şərh edib. Bu hadisə isə erməni lobbisini əməlli-başlı dəliyə çevirib.