İranın Xarici İşlər Nazirliyindəki mənbənin verdiyi məlumata görə, rəsmi Tehran yaxın günlərdə Bakı ilə fəal diplomatik təmaslara və müzakirələrə başlamaq niyyətindədir.

Tehran 5 məsələni müzakirə etmək istəyir:

"3+3" formatında (Azərbaycan-Rusiya-Ermənistan və Türkiyə-İran-Gürcüstan) İranın aktiv fəaliyyətinin təminatı;

"2+2" formatında İranın iştirak variantlarının nəzərdən keçirilməsi;

İkinci Qarabağ Müharibəsindən sonra bölgədə yaranmış yeni realıqların müzakirəsi;

Qarabağın statusunun müəyyənləşdirilməsində İranın rolunun müzakirəsi;

İkitərəfli əlaqələrdə son vaxtlar yaranmış müəyyən problemlərin nizanmalanması yollarının müzakirəsi.

Bəndlər bəllidir. Amma 3 və 4-cü bəndlər irrealdır, çünki Azərbaycan üçün "Qarabağın statusu" problematikası yoxdur. Cənubi Qafqazdakı proseslərə təsir imkanlarını itirən, geosiyasi mövqelərinin əksəriyyətini uduzan İran indi itkilərini qismən də olsa, bərpa etməyə çalışır.