Taliban" bizə Kabil hava limanının işlədilməsini təklif edib. Bununla bağlı hələlik hər hansı qərar verməmişik".

Publika.az Türkiyə mətbuatına istinadla xəbər verir ki, bunu prezident Rəcəb Tayyib Ərdoğan Bosniya və Herseqovinaya səfəri ərəfəsində mətbuat konfransında deyib.

Ərdoğan bildirib ki, bununla bağlı hələlik hər hansı qərar verilməyib: "Zərurət olacağı təqdirdə, biz hər kəslə danışıqlara gedə bilərik. "Taliban"la səfirliyimizdə 3,5 saata yaxın danışıqlar keçirilib. Danışıqlarla mövcud prosesin daha sağlam yürüdülməsinə çalışırıq".

Prezident daha sonra qeyd edib kİ, Əfqanıstanda hazırkı vəziyyətdə başlıca prioritet Türkiyə vətəndaşlarının təxliyəsidir: "Əfqanıstandakı vətəndaşlarımızın, Silahlı Qüvvələrin şəxsi heyətinin təxliyəsi davam etdirilir. Bu proses qısa zamanda başa çatacaq".