"Rusiya regionda təhlükəsizliyin və sabitliyin təmin edilməsində əsas rol oynayır".

Qalanews Sputnik-ə istinadən xəbər verir ki, bu barədə Ermənistan hökumətinin iclasında baş nazirin səlahiyyətlərini icra edən Nikol Paşinyan bildirib.

Burada o, Ermənistan və Rusiyanın vahid Silahlı Qüvvələrinin, həmçinin Rusiya Federasiyasının Qarabağdakı sülhməramlı missiyasının əsas rolunu vurğulayıb. "Azərbaycanın davranışı göstərir ki, bu ölkənin hakimiyyəti üçtərəfli sazişlərin icrasını pozmaq istəyir, xüsusən də kommunikasiyanın açılması və Ermənistanda blokadanın qaldırılması istiqamətində. Öz növbəsində Ermənistan kommunikasiyanın açılmasını çox vacib hesab edir və bunun üzərində işləməyə hazırdır." deyə o bildirib.

"Biz gözləyirik ki, Azərbaycan ən qısa müddətdə əsir və girovların qaytarılması ilə bağlı yazılı öhdəlikləri yerinə yetirəcək. Biz yenə də sərhəd xəttində qoşunların geri çəkilməsinin və Rusiya sülhməramlılarının və yabeynəlxalq müşahidəçilərin yerləşdirilməsinin tərəfdarıyıq, bundan sonra sərhədin demarkasiyası və delimitasiyası ilə bağlı danışıqlara başlamaq olar ", - deyə o əlavə edib.

Xatırladaq ki, iyun ayında Rusiya Federasiyası Silahlı Qüvvələrinin nümayəndələri göstərilən sahədə mümkün yerləşmə nöqtələri ilə tanış olublar.

Beləliklə Ermənistan hökuməti bir daha riyakar mövqeyini və saxtakarlığını siyasi dairələrdə sərgiləməyə davam edir.