“Hazırkı Baş nazir Ermənistan və Azərbaycan arasındakı sərhədlərin müəyyənləşdirilməsi məsələsini həll etməyə çalışır. Əlbəttə ki, beynəlxalq qüvvələri dəvət etməklə”.

KONKRET.az xəbər verir ki, bu fikirləri politoloq Stepan Danielyan özünün şərhində bildirib. O vurğulayıb ki, Rusiya bu məsələdə iştirak edir, ABŞ və Fransa isə iştirak etməkdə çox maraqlıdır. İran artıq ora-bura var-gəl edir, sərhədlərin müəyyənləşdirilməsi prosesində aktiv olmağa çalışır.

Erməni politoloq vurğulayır ki, “Azərbaycan Türkiyəni beynəlxalq ansamblda iştirak etməyə dəvət edəcək, Çin və Hindistan onsuz da rəsmi olaraq narahatdırlar. İngiltərə və İsrail onsuz da Azərbaycanda mövcuddur, əlbəttə ki, onlar da prosesə müdaxilə edəcəklər.

Bütün bunlarda kim iştirak edəcək, hansı beynəlxalq mandatla, hansı missiyalar göndəriləcək, Ermənistanda hansı monitorinq mərkəzləri açılacaq? Əgər bu ölkələrin mürəkkəb münasibətləri bütün bunlara əlavə edilsə, Suriyanın Ermənistanla müqayisədə bir istirahət zonası olacağını bəribaşdan söyləmək olar.

Əslində, bu ölkələrin bütün ziddiyyətləri Ermənistana nüfuz edəcək və bir-biriləri ilə münasibətlərini Ermənistanda tapacaqlar və bu hələ bir sualdır, yalnız sülh yolu iləmi?

Və bütün bunlar məsuliyyətsiz və qeyri-kafi bir şəxsin addımları sayəsində edilir”.