Ermənistan ordusunun Dağlıq Qarabağda yerləşən hərbi hissələrində hərəkətlilik artıb.

Busaat.az xəbər verir ki, məlumatı “İravunk” qəzeti yayıb.

Təxminən iki saat əvvəl bütün hərbi hissələr 1 nömrəli hazırlıq vəziyyətinə gətirilib.

Bütün zabit heyəti də hərbi hissələrə çağırılıb.

Qəzet müxtəlif mənbələrdən xəbərin təsdiqləndiyini yazır, lakin separatçıların sözçüsü Vaqram Poqosyan bunu təkzib edir.

Yeri gəlmişkən, Ermənistan müdafiə naziri David Tonoyan hazırda Moskvadadır. Bunun fonunda yayılan belə məlumatlar erməni hərbi birləşmələrin cəbhədə təxribat hücumuna keçə biləcəyi ehtimalını artırır.