Ölkə üzrə sanitar-epidemioloji vəziyyətin təhlilinə əsasən, son günlər Yevlax, İsmayıllı, Kürdəmir və Salyan rayonlarında yüksək yoluxma faktları aşkar edilmişdir. Bu baxımdan COVID-19 virusunun yayılma sürətinin azaldılması, eləcə də onun törədə biləcəyi fəsadların minimuma endirilməsi məqsədilə 2020-ci il 14 iyun saat 00:00-dan 16 iyun saat 06:00-dək Bakı, Gəncə, Lənkəran və Sumqayıt şəhərlərinin, Abşeron, Yevlax, İsmayıllı, Kürdəmir və Salyan rayonlarının ərazisində sərtləşdirilmiş karantin rejimi tətbiq ediləcəkdir.

Qazet.az xəbər verir ki, geridə qoyduğumuz həftə çörəklə bağlı yayılan görüntülər bəzi iş yerlərinin fəaliyyətini davam etdirməsinə şərait yaradıb. Bu səbəbdən sərt karantin rejimi zamanı çörək məhsullarının istehsalı ilə məşğul olanların fəaliyyətinə icazə verilir.

Qeyd edək ki, çörək məsullarının istehsalı ilə məşğul olanlar 2020-ci il 15 iyun saat 16:00-dan fəaliyyətini davam etdirə biləcək.