1987-2022-ci illər ərzində 0-14 yaş qrupu üzrə 176 nəfər İİV-ə yoluxub.

Saglamolun.az xəbər verir ki, bu, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupu tərəfindən hazırlanmış “İllik Hesabat”da öz əksini tapıb.

Həmçinin qeyd olunub ki, sözügedən illər ərzində 15-18 yaş qrupu üzrə 38, 19-24 yaş arası 797, 25-29 yaş arası 1655, 30-39 ya aşarı 3834, 40-49 yaş arası 2272, 50-59 yaş arası 787, 60 yaşdan yuxarı isə 172 nəfər İİV-ə yoluxub.

Qeyd edək ki, İİV - İnsanın İmmunçatışmazlığı Virusu (Qazanılmış İmmun Çatışmazlığı Sindromu) insanda infeksiyasının ən son mərhələsində Qazanılmış İmmun Çatışmazlığı Sindromu (QİÇS, ing AIDS, rusca СПИД) xəstəliyinə yol açabilən retrovirusdur.

İnfeksiya öz səthində CD4 reseptorlu immun hüceyrələrini məhv edir. Nəticədə insanın immun sistemi tükənir və QİÇS inkişaf edir. Orqanizm tezliklə müxtəlif infeksiyalara və bədxassəli şişlərə tab gətirə bilmir və sağlam insana xas olmayan opportünist xəstəliklər baş qaldırır.