Tibb dilində adı fibrositis olan qulunc, kürəyin üst qisimində meydana gələn bir əzələ narahatlığıdır.

Milli.Az deyerler.org-a istinadən bildirir ki, xalq dilində qulunc olaraq bilinən əzələ ağrısı, iki kürək sümüyü ilə çiyinin üst qisimindəki bölgədə, yəni kürəyin üstündə yaranan bir əzələ sıxılmasıdır.
Ümumiyyətlə səbəbi tam açıqlanmayan ağrılı vəziyyət yaradan fibrositis, əzələ daxilində sərt düyüncüklərdir. Mütəxəssislərə görə quluncun tərifi, gərginlik nəticəsi sıxılmış əzələlərin boşalmaması halıdır.

QULUNC AĞRISI
Əzələlərin olduğu hər bölgədə müşahidə edilən qulunc, ümumiyyətlə boyun və kürək bölgəsində ağrılar verir. Ağrılardan başqa heç bir təhlükəsi olmayan əzələ narahatlığı, sadə üsullarla aradan aparılır.
Hər yaşda müşahidə edilən qulunc ağrısı olduqca məşhur bir narahatlıqdır.

QULUNCA SƏBƏB OLAN AMİLLƏR
Bəzi insanlarda xroniki bir problem olan qulunc ağrıları, stressli və hərəkətsiz bir həyat sürən insanlarda daha sıx müşahidə olunur. Qulunc narahatlığının səbəbləri isə belədir:

- Əzələlərin normadan çox ağırlaşması
- Hərəkətsiz bir həyat nəticəsində əzələlərin zəifləməsi
- Stressə bağlı olaraq əzələlərin sıxılması
- Soyuqdəymə
Ətraflı

NECƏ MÜALİCƏ EDİLİR
Diaqnozu asan bir narahatlıq olan qulunc müalicəsi mümkündür. Mütəxəssislər tərəfindən diaqnozu qoyulan qulunc ağrıları, idmanlar və məşqlərlə aradan aparılır. Qulunc müalicəsinin üsulları isə belədir:

- Müntəzəm məşqlər
- Oturma mövqelərin düzəldilməsi
- Stressdən uzaq bir həyat
- Həddindən artıq kompyuter və telefon istifadəsindən uzaqlaşma
- Lokal və ümumi masaj
- Fiziki müalicə tətbiqləri
- Sağlam və balanslı qidalanma