Başın və ya yuxarı boyunun müəyyən hissəsində yaranan ağrı olaraq nəzərdə tutulur. Əslində beynimizin özü ağrıya həssas deyil.

Publika.az oxucuları başağrısının əmələ gəlmə səbəbləri və onu aradan qaldırmağın üsulları ilə tanış edir.

Mütəxəssislərin apardığı çoxillik araşdırmaların nəticələrinə görə, başımızdakı ağrıya həssas quruluşlar; - kəllə sinirləri, arteriya və damarlar, baş dərisi və boyun əzələləri, dəri, səthi sinirlər, sinuslar, xarici eşitmə kanalı və qulaq pərdəsi, göz bəbəyi və ətraf quruluşlar, tüpürcək vəziləri, dişlər, çənə oynağı, yuxu damarı və onun şaxələridir. Baş ağrısı küt, kəskin, zonqlayıcı, davamlı, fasiləli, yüngül və ya ağır ola bilər. Baş ağrısı cəmiyyətdə çox geniş yayılmış şikayətdir və bundan əziyyət çəkən insanların 70 faizində təkrarlanan haldır. Baş ağrısı iş qabiliyyətimizə, ovqatımıza mənfi təsir göstərsə də, əksər hallarda həyati təhlükə yaratmır. Amma baş ağrısı ilə bağlı aşağıdakıları bilməyiniz məsləhətdir:

Ağrı qəfildən ortaya çıxsa və indiyə qədər yaşadığınız ən ağır baş ağrısıdırsa,
Ağrı keçmirsə və şiddəti artarsa,
Baş ağrısı ikili və ya bulanıq görməyə səbəb olarsa,
Ürək bulanması, qusma varsa,
50 yaşdan sonra meydana çıxıbsa,
Zədələnmədən və ya qəzadan sonra meydana gələrsə,
Boyun sərtliyi və ya qızdırma şəklində özünü göstərirsə, dərhal həkimə müraciət edilməlidir.
Baş ağrısına nələr səbəb olur?

Sizi narahat edən ağrı beyin pərdəsindən, damarlardan və sinirlərdən qarışıq bir oyanıqlıqdır. Qan damarları və baş əzələləri beynimizə ağrı siqnalları göndərir. Fəqət bu siqnalların hardan və necə başlandığı hələ məlum deyil.

Baş ağrısına səbəb ola biləcək ümumi səbəblər:

infeksiyalar (soyuqdəymə və yüksək qızdırma), sinüzit (sinusların iltihabı), boğaz infeksiyası və ya qulaq infeksiyası kimi bir çox xəstəlik baş ağrısına səbəb ola bilər. Baş ağrısı beyin şişi və ya beyin qanaması kimi daha ciddi problemin simptomu olaraq da meydana gələ bilər.
Stres: Stres və depressiyadan əlavə həddindən artıq spirtli içgi istifadəsi, yeməkdən vaxtını keçirmək, yuxu rejimindəki dəyişikliklər və həddindən artıq dərman qəbul etmək də baş ağrısına səbəb olan amillərdir.

Siqaret tüstüsü, ətraf mühit, kimyəvi amillər: Siqaret tüstüsündən, evdəki kimyəvi maddələrdən, ətirlərdən, allergenlərdən və bəzi qidalardan gələn qoxular da baş ağrısına səbəb ola bilər. Hava çirkliliyi, səs-küy və şəraitinin anidən dəyişməsi baş ağrısının digər səbəblərindəndir.

Genetik amillər: Birincili baş ağrısı olan migrenin genetik xüsusiyyətləri məlumdur. Çünki ailədə migren xəstəsi varsa, migren olma ehtimalı 40 faizdir. Anası və atası migrendən əziyyət çəkən azyaşlı migren şikayətlərinin 75 faizi ilə qarşılaşa bilər. Bu uşaq və yeniyetmələrin migrenli ailə üzvləri var.

Migren baş ağrısı

Miqren baş ağrısı ikinci ən çox görülən baş ağrısı növüdür. Miqrenin yaratdığı baş ağrıları, böyüklərlə yanaşı uşaqları da təsir edir. Oğlan və qızlara migren baş ağrısı eyni dərəcədə təsir edir; Bununla birlikdə, qadınlar yetkinlik yaşından sonra migrenin yaratdığı baş ağrılarından kişilərə nisbətən daha çox əziyyət çəkirlər. Migreni artıran amillər arasında bəzi qidalar və içkilər var; köhnə pendir, şokolad, qatıq, soğan, əncir, qaraciyər, kofeinli qida və içkilər, hisə verilmiş və ya duzlu balıq / ət.

Çox və ya az yatmaq, aclıq, fiziki və ya zehni yorğunluq, növbəli iş kimi həyat tərzində dəyişiklik yaradan amillər də miqrenin ağırlaşmasında rol oynayır.