"Yeni növ ştamların yarada biləcəyi təhlükələrdə əgər istifadə olunan peyvəndlərin faydalılığı olmazsa, dünyada ilk addım atan ölkələr kimi Azərbaycan da yeni addımlar atacaq".

BAKU.WS xəbər verir ki, bu haqda “ARB24” kanalına açıqlama verən Milli Məclisin Səhiyyə Komitəsinin sədr müavini Rəşad Mahmudov bildirib.

"Ştamların yaranması birmənalı olaraq hansısa peyvəndin təsirinin bir miqdar azalması kimi fikir yarada bilər. Lakin peyvəndin virusa tamamən təsirinin olmaması kimi həqiqətlə üz-üzə deyilik. Bu günə qədər istifadə olunan peyvəndlərin təsirinə baxdığımız zaman yüzlərlə ştamlar olmasına baxmayaraq, peyvəndlənən insanların yoluxmaq, xəstəxanaya düşmək və həyatını itirmək halları xeyli azalıb", - deyə Rəşad Mahmudov əlavə edib.