Prezidentin köməkçisi – Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov Nazirlər Kabineti yanında Operativ Qərargahın bu gün keçirilən brifinqində bildirib ki, ölkədə yeni bir sənəd tətbiq olunur - COVID pasport:

"COVID pasport iki sertifikatdan ibarət sənəddir. Birinci sertifikat peyvəndləşmə sertifikatıdır. Bütün peyvəndləşmə edilən vətəndaşlar e-gov portalından xüsusi bir vaksinasiya sertifikatı formalaşdırılır. bu sənəd çap olunaraq saxlanıla bilər. Hər iki srtifikat üzərində QR kod vardır.

İkinci sertifikat immunitet sertifikatıdır və bu, xəstələnib sağalmış şəxslərə verilir. Bildiyiniz kimi onlara müəyyən dövr ərzində vaksinasiya olunmur. Buna görə də, ummunitet sertifikatı COVID pasport kimi hesab olunur. Vaksinasiya və immunitet sertifikatları ikisi birlikdə COVID pasport adlandırıldıqda bunlardan biri ilə idman sağlamlıq mərkəzlərinə girişə icazə veriləcək".