Əməkdar artist Bəhram Bağırzadənin vəziyyəti ağırlaşıb.

Bu barədə qafqazinfo-ya həyat yoldaşı Şəhla Bağırzadə məlumat verib. O bildirib ki, Bəhram Bağırzadənin vəziyyəti yetərincə ciddidir:

"Bir həftədir ki, onun səhhətində problemlər yaranmışdı və getdikcə artmağa başladı. Hazırda o, xəstəxanada müalicə alır. Həkimlər onun sağalması üçün hər şeyi edir. Dövlət də hər şeyi təşkil edib. Dua edək ki, hər şey yaxşı olsun".

Qeyd edək ki, aktyorun koronavirusa yoluxması barədə xəbərlər tirajlansa da, Bağırzadə təkzib vermişdi.