Pensilvaniya Universiteti (ABŞ) alimləri şampinyon göbələyinin inanılmaz faydasını aşkar ediblər.

Saglamolun.az Правда.RU-ya istinadla xəbər verir ki, araşdırmaların nəticələrinə görə, şampinyonun istehlakı 2-ci tip şəkərli diabetin inkişafından qoruyur.

Mütəxəssislər göbələyi diabet xəstələrinə də tövsiyə edirlər ki, bu məhsulun istehlakı qanda şəkəri normada saxlamağa kömək edir.

Həmçinin alimlər sübut edir ki, şampinyon arıqlamağa kömək edir və süd vəzi xərçənginin riskini azaldır.

Nəzərə almaq lazımdır ki, göbələk çox çətin həzm olunan məhsuldur. Bu səbəbdən göbələkdən yemək hazırlayanda onu mümkün qədər xırda doğramaq və ya paştet şəklində istehlak etmək daha yaxşıdır.

Mədə-bağırsaq sistemi, qaraciyər və böyrək xəstəlikləri zamanı göbələyin istehlakı arzuolunmaz sayılır.