Tədqiqatçılar evliliyin üçüncü ilinin ən xoşbəxt olduğunu müəyyən ediblər.

“Medicina” xəbər verir ki, 2000 evli insan arasında aparılan sosioloji sorğu göstərib ki, toydan sonrakı üçüncü il ər və arvad üçün ən xoşbəxt ildir.

Britaniyalı sosioloqlar müəyyən ediblər ki, nikahın birinci ili toydan sonrakı eyforiya ilə yadda qaldığı, ikinci il ərzində isə ər-arvad yeni şəraitdə bir-birini tanımağı öyrənsələr də, onların ailə həyatında xoşbəxtliyin ən yüksək səviyyəsi üçüncü ildə müşahidə olunur.

Bu, ər və arvadın öz qüsurlarını qəbul etdikləri, xoşbəxt gələcək üçün plan qurduqları və münasibətlərini gücləndirdikləri dövrdür.

Üçüncü ildə ər-arvad ailələrinin və bir-birlərinin maliyyə həyatına tam qarışır, hesabları və xərcləri bölüşürlər. İki maaşın birləşməsi gəliri bir qədər artırır, ona görə də boş vaxt bir az daha əyləncəli ola bilər. Maddi, cinsi və psixoloji baxımdan evliliyin üçüncü ili ən böyük xoşbəxtliyi gətirir.

Beşinci il isə ən çətin il ola bilər. Qarşılıqlı yorğunluq, cansıxıcılıq kimi faktorlar ortaya çıxır.

Uşaqlar adətən bu dövrdə doğulur və onlar valideynlərinin bütün boş vaxtlarını udurlar. Məhz beşinci il ərzində ər-arvad fikir ayrılıqlarını həll etmək üçün məsləhət və ya boşanma danışıqları aparmaq üçün vəkillərə müraciət edirlər.

Ailə psixoloqları vaxt qrafiklərindən xəbərdardırlar, buna görə də həyat yoldaşlarını tez-tez gözləməyə təşviq edirlər. Bəzən böhranın pik nöqtəsinin keçməsi üçün cəmi altı ay kifayət edir.