Qahirədəki Misir Muzeyindən firon Amenemopetə məxsus 3000 illik qızıl bilərzik oğurlanıb.

Axar.az xəbər verir ki, bu barədə Misir mətbuatı məlumat yayıb.

Məlumata görə, qiymətli artefakt Romada keçiriləcək beynəlxalq sərgiyə hazırlıq zamanı muzeyin bərpa laboratoriyasından yoxa çıxıb.

Oğrular 600 qramlıq bilərziyi cəmi 3700 dollara satıblar. Onu alan şəxs isə 4000 dollara poladəritmə zavodunda işləyən bir nəfərə satıb, o da bilərziyi əridib.

Misir polisi dörd nəfər şübhəlini saxlayıb. Onlar törətdikləri əməli etiraf ediblər.

Bununla da 3 min illik qiymətli tarixi əsər yoxa çıxıb.