Polşalı alimlərin apardığı araşdırmaya görə, evli kişilərin piylənmə ehtimalı subaylara nisbətən üç dəfə çoxdur.

Milli.Az xəbər verir ki, bu barədə Varşava Milli Kardiologiya İnstitutunun tədqiqatçıları məlumat veriblər. Araşdırmada həmçinin qeyd olunub ki, nikahda olan qadınların incə qalma ehtimalı daha yüksəkdir.

Tədqiqatçılar orta yaşı 50 olan 2405 nəfərin sağlamlıq məlumatlarını təhlil edərək müxtəlif amillərin, o cümlədən yaş, ailə vəziyyəti və psixi vəziyyətin çəki artımına necə təsir etdiyini öyrənməyə çalışıblar. Nəticələr göstərib ki, evlilik kişilərdə artıq çəkidən əziyyət çəkmə ehtimalını 62%, qadınlarda isə 39% artırır.

Alimlərin fikrincə, evli kişilər çox yemək və fiziki aktivliyin azalması səbəbindən kökəlməyə meyllidirlər. Qadınlar isə, sosial təzyiq altında çəkilərini daha effektiv şəkildə idarə edirlər. Tədqiqatda həmçinin yaşın çəkiyə təsiri də müəyyən edilib: hər il artıq çəki riski kişilərdə 3%, qadınlarda isə 4% artır.