Pendir pəhrizin ayrılmaz hissəsidir. Səhər yeməyi, nahar və şam yeməyi üçün istifadə edilən ən tələbatlı məhsullardan biridir. Tərkibində bir sıra xeyirli vitaminlər olasa da hər gün pendir yemək məsləhət deyil.

Publika.az xəbər verir ki, Rusiyalı dietoloqlar pendirlə bağlı maraqlı faktlar açıqlayıblar.

Mütəxəssislərin sözlərinə görə, pendir həddindən artıq çox qəbul edilərsə, orqanizmə mənfi təsir göstərər. Bəzi pendirlər (Camembert, Gouda) artrit kimi iltihabi xəstəliklərə səbəb ola bilər. Digər tərəfdən pendir orqanizmdə xolesterinin səviyyəsini də artıra bilər ki, bu da insult və infarkt riskinin artması deməkdir. Çox duzlu pendirlər hipertoniyaya da səbəb ola bilir.

Dietoloqların fikrincə normadan artıq qəbulu qaraciyərin fəaliyyətinə də mənfi təsir göstərir. Xüsusi ilə xanımlara hamiləlik dövründə yumşaq pendirlərdən istifadə etməmək tövsiyyə olunur. Çünki müxtəlif infeksiyalara yoluxma riski böyükdür. Beləliklə, pendirin bütün faydalarına baxmayaraq, gündə 50-60 qram yeməyiniz məsləhət görülür.

Cəmilə