Fərqli qidalar birlikdə istehlak edildikdə orqanizmə daha çox fayda verir. Buna qida maddələrinin sinergik təsiri deyilir.

Bəzi qidaları birlikdə istehlak etdikdə, həmin qidaların faydalarını artıra və ya qida dəyəri baxımından çatışmazlıqlarımızı tamamlaya bilərik. Hər gün istehlak etdiyimiz qidalarda olan minerallar, vitaminlər, fitokimyəvilər, lif və yağlar kimi müəyyən komponentlər bir-biri ilə qarşılıqlı əlaqədə olur və sağlam bədən üçün inanılmaz faydalar təmin edir. Bəs, birlikdə istehlak edildikdə möcüzələr yaradan şəfalı qidalar hansılardır?
Ət, bəkməz, yumurta, soya, ispanaq, cəfəri kimi tərkibində dəmir olan qidaları, limon, qreypfrut, portağal və qırmızı bibər kimi C vitamini olan qidalarla birlikdə istehlak etdikdə dəmir mineralı daha çox əmilir. Quru lobya ideal bir dəmir qaynağı olsa da, bitki mənşəli dəmir heyvan mənşəli dəmir kimi bədən tərəfindən udula bilməz. Lakin C vitamini ilə zəngin olan qırmızı bibərlə birlikdə yeyildikdə paxlada dəmirin sorulması artır.
Səhər yeməyi üçün ən yaxşı protein qaynaqlarından biri olan yumurta sarısı çox faydalı bir dəmir qaynağıdır. Yumurtanın dəmirindən daha yaxşı istifadə etmək üçün yanında kiçik bir stəkan portağal suyu sıxa bilərsiniz. Portağal suyuntərkibindəki C vitamini sayəsində orqanizmin dəmirdən daha yaxşı istifadə etməsinə şərait yaradır.
Qida sinerjisinin digər yaxşı nümunələrinə qırmızı ət və salatın birləşməsi daxildir. Limon, göyərti və qırmızı bibər kimi C vitamini olan qidaları dəmir tərkibli qidalarla birlikdə qəbul etsəniz, dəmir daha çox udulur. Beləliklə, yediyiniz miqdarı artırmağa ehtiyac qalmadan daha çox dəmir əldə edəcəksiniz. Üstəlik, ətinizi salatla yediyiniz zaman salatın tərkibindəki lif ətdən aldığınız piyləri bədəninizdən daha asan çıxarmağa kömək edir.

Sevinc Hüseynova

Saglamolun.Az