Kəklikotu; Azərbaycan mətbəxində geniş şəkildə ədva kimi istifadə olunur. Müxtəlif xörəklərdə, çay dəmləyərkən özünə məxsus ətri, tamı hər vaxt arzuediləndir. Nənələrimiz soyuqdəymə zamanı kəklikotu çayına hər vaxt üstünluk veriblər. Bu bitki Qədim Roma və Yunanıstanda da tanınıb və o dövlətlərin əsgərləri kəklikotu dəmləməsi ilə çimiblər ki, hər zaman güclü və tonusda olsunlar. Qədim Misirdə isə bu bitkidən həm ətir kimi istifadə ediblər, həm də ölənlərin balzamlaşmasında vasitələrdən biri kimi istifadə olunub. Olein turşusu, mineral maddələr, vitaminlərlə, efir yağları ilə zəngindir. Bronxit, bronxialastma, göy öskürək, nevroloji xəstəliklər, radikulit, yuxusuzluq, iltihabəleyhinə və s.xəstəliklər zamanı həm xalq təbabətində həm də müxtəlif dəmləmələrin və dərmanların tərkibində tibbdə istifadə olunur. Amma onu da bilmək lazımdır ki, kəklikotunun da dərman kimi əksgöstərişləri var . HAMİLƏLİK ZAMANI, HİPERTONİYA XƏSTƏLİYİ ZAMANI, 2 YAŞA QƏDƏR UŞAQLAR, MƏDƏ VƏ 12 BARMAQ BAĞIRSAQ XORASI, HİPOTİREOZLU XƏSTƏLƏR KƏKLİKOTUNDAN İSTİFADƏ ETMƏSƏLƏR DAHA MƏSLƏHƏTLİDİR.
Məlumatı hazırladı: F. Rüstəmova[b][/b]