İslam alimləri orqanizmin bu refleksi haqqında bir çox fikirlər irəli sürmüşlər.

Hədislərin birində deyilir ki, asqırmaq bədəni rahatlaşdırar və sağlam edər və asqırmaq olan gündə fizioloji baxımdan insanda ölüm gətirən səbəblər ortaya çıxmaz.

Həzrət Peyğəmbər buyurub: “Xəstənin asqırması onun şəfa tapacağının və bədəninin rahatlığının əlamətidir”.

İmam Sadiq buyurub: Asqıran adam cüzam, baş ağrısı, burunun tutulması, gözün içində tükün bitməsi, göz yaşının çoxlu axması kimi xəstəliklərdən uzaq olar”. Hədislərdə buyurulur ki, asqırmaq 3 dəfədən keçərsə artıq bu insanın xəstə olmasını göstərir.

İmam Rza asqırmağın hikməti haqda maraqlı bir hədis buyurur: “Allah insana nemət verir və insan ona görə şükr etmir. Bəzən Allah bu insanın bədəninə bir yel salar. Bu yel bədəndə fırlanar və gəlib, burundan və ağızdan çıxar. Bu zaman asqırmaq gələr.”

Müəllif: Firəngiz Rüstəmova
"FOLK VƏ YA XALQ TƏBABƏTİ" kitabından