Rusiyalı idman psixoloqu, Bədən Tərbiyəsi və İdman Mərkəzinin aparıcı tədqiqatçısı Olqa Tiunova özünütəcrid rejimindən düzgün çıxış qaydalarını açıqlayıb.

O, bununla bağlı “Sputnik” radiosuna müsahibə verib.

Tədqiqatçının sözlərinə görə, özünütəcrid rejimi başa çatdıqdan sonra uzun zaman evdə oturaq rejimə alışmış orqanizmi elementar olaraq gündəlik iş rejiminə alışdırmaq lazımdır.

Mütəxəssisin fikrincə, bir insan iki ay ərzində fiziki keyfiyyətlər qazanır, amma onları iki dəfə sürətlə itirir:

“Gündəlik hərəkətlərə ən sadə məşqləri də daxil etmək vaxtıdır. Bundan əlavə, bir cədvəl hazırlaya bilərsiniz. Hər gün elektron tərəzidə özünüzü çəkin, müqayisələr aparın. Bu, hədəfin yaxın olub-olmadığını başa düşməyə kömək edəcək”.

Psixoloq idman salonlarına gələnlərə məşqə qayıdarkən əvvəlki yükün yarısından başlamalı olduqlarını və tədricən adi rejimə keçmələrini də tövsiyə edib.