M.A.Bulqakovun “Gənc həkimin qeydləri” hekayəsində kamfora həkimin dərman qutusunda ola biləcək ən vacib bir vasitə kimi önə çəkilir (1917-ci il).
Kamfora (analeptik vasitə) təbiətdə reyhan, rozmarin, yovşan/Artemisia kimi bitkilərin, ən çox isə Kamfora dəfnəsinin/Cinnamonum camphora tərkibində var. Bitki yağında həll edilmiş kamforanı dəri altına vurduqda tənəffüs sistemini tonuslandırır, damarhərəki mərkəzləri stimulyasiya edir, simpatik sinir sisteminə təsir edir, periferik qan damarlarını daraldır, bəlğəmgətirici təsir edir. Trombositlərin aqreqasiyasını ingibə edir, soyuğahəssas reseptorlara seçici təsir edərək qaşınmanı götürür. Həm də kamfora dəfnəsinin efir yağı aroma-terapiyada istifadə edilir, alveolyar ventilyasiyanı, miokardın funksiyasını yaxşılaşdırır. Kamfora kəskin və xroniki ürək xəs-təliklərinin kompleks müalicəsində istifadə edilir. Kollaps, pnevmoniya, bəzi infeksion xəstəliklərdə, yuxugətirici və narkotik vasitələrlə zəhərlənmələrdə antidot olaraq istifadə edilir.
Tərkibində dəfnə yarpağı olan hazır dərman preparatları:
-Sol. Camphorae oleosae 20 % 2 ml. N. 6 in ampull -Kamfora yağı - 10 % günəbaxan yağında kamfora məhlulu 30qr. Artrit və revmatizmdə xaricə istifadə edilir.
-2 % kamfora spirti. Antiseptik və yüngül yerli keyləşdiri-ci vasitə.
-Diş damcısı/Dental drops- Каmfora 6,4 qr, nanə yağı 3,1 qr, valerian cövhəri 100 qr.
Camphocinum-liniment. Artrit və revmatizmdə yerli, xari-cə istifadə edilir.
-Kamfora məlhəmi/Unguentum Camphoratum: Artrit və revmatizmdə xaricə istifadə edilir.
-“Denta” damcı. Guttae “Denta” diş ağrısı üçün: Xloral hidrat və kamfora 33,3 qr, spirt 95 % 100 ml. 2-3 damcı diş ağrısı üçün.
- Kamfomen və Kameton - yuxarı tənəffüs yollarının xəs-təliklərində xaricə istifadə üçün aerozol.
Dəfnə yarpağı Bromkamfora preparatının da tərkibinə daxildir.

Müəllif: Firəngiz Rüstəmova
"TƏBABƏT VƏ MİFOLOGİYA: GÖRÜNƏN VƏ GÖRÜNMƏYƏN ƏLAQƏLƏR" kitabından