Saç tökülməsi hər yaşda insanların rastlaşdığı problemdir.
Bunun stress, qocalıq, genetik və s. kimi bir sıra səbəbləri ola bilər. Genetik saç tökülməsi xaric digər tökülmələrin qarşısını almaq olur.
Bakupost.az saç tökülmələrinə qarşı faydalı olan qarışımları əqdim edir.
Zeytun yağı və yumurta - 1 yemək qaşığı zeytun yağı ilə 1 yumurtanı kiçik qabda qarışdırın. Qarışımı saçların kökündən ucuna doğru tətbiq edin. Saçınızı dəsmalla bağlayıb 30 dəqiqə gözlədikdən sonra yuyun. Bu qarışımı həftədə 3 dəfə tətbiq edə bilərsiniz. Bundan sonra saç dəriniz qidalanacaq və saçlarınız daha parlaq olacaq.
Lavanda yağı - Tərkibində omeqa qrupu yağ turşuları var. Onlar saç dərisini qidalandırır və saç köklərini gücləndirir. Saçlarınızı həftədə 3 dəfə lavanda yağı ilə masaj edə bilərsiniz.
Kokos yağı və kremi - Saçdakı piqmentləri gücləndirir. Saçları daha sağlam və möhkəm edir. Həmçinin, kokos yağı və ya kremi ilə saç tökülməsindən xilas ola bilərsiniz.
Badam yağı - Saç tökülməsinin qarşısını alır. Saçları qidalandıraraq saç köklərini gücləndirir. Saç köklərindən yeni, güclü saç tellərinin çıxmasını təmin edir.

Aynur
BakuPost