Rus diyetoloqlar şam yeməyində qulançar və çuğundur yeməyi məsləhət görüblər.

Publika.az xəbər verir ki, diyetoloq Laura Burak arıqlamaq istəyənlərə şam yeməyində az kalorili məhsullar tövsiyə edir.

“Biz gündüzlər az yeməyə, gecələr isə daha çox yeməyə meyilliyik, gecələr orqanizm, adətən az enerjiyə ehtiyac duyur. Bunun əvəzinə müştərilərimə daha yüngül şam yeməyi məsləhət görürəm”, - Laura Burak deyib.

Arıqlamaq üçün mütəxəssislər, ilk növbədə, axşam porsiyalarının ölçüsünü azaltmağı və hətta qızıl balıq, avokado və qoz-fındıq kimi sağlam qidaların çox yüksək kalorili ola biləcəyini unutmamağı məsləhət görürlər. Xüsusilə, qulançar, çuğundur, gül kələmi, brokoli, badımcan, yaşıl lobya, bibər, pomidor rasiona əlavə edilməlidir.

Arıqlamaq üçün şam yeməyinin başqa bir qaydası, qızardılmış yox, qaynadılmış qidalardan istifadədir. Bundan əlavə, diyetoloq yeməklərə yağsız protein əlavə etməyi təklif edir: balıq, dəniz məhsulları, quş əti, yağsız mal əti və ya yumurta.