Fəsil dəyişdikcə saçlar daha çox baxıma ehtiyac duyur. Havadakı dəyişiklik onların cansız görünməsinə, qırılmasına, tökülməsinə səbəb olur. Bəs ev şəraitində saçlara necə qulluq etmək olar?

Day.Az axşam.az-a istinadən bildirir ki, saçların daha möhkəm olması üçün düzgün şampun və baxım vasitələrinin seçimi mütləqdir. Saçları tez-tez yumaq da onları zədələyə bilər. Lakin ən böyük zərbə yaş halda onları fenlə qurutmağa çalışmaqdır.

Əgər saçlarınız qurudursa, həftədə bir dəfə maska ​​kimi zeytun yağı çəkə bilərsiniz. Bunu kokos yağı ilə də əvəz etmək mümkündür. Bu, saçınızı qidalandırmasına kömək edəcək və quruluğu aradan qaldıracaq.

Bundan əlavə, saçlarınız tez-tez yağlanırsa, 1 və ya 2 yumurta ağını (saçınızın uzunluğuna görə) 1 limonun suyu ilə qarışdırın. Maskanı ​​saçlarınıza çəkdikdən sonra 30 dəqiqə gözləyin və yuyun.