Pomidor qeyri adi tamı ilə yanaşı ağıla gəlməyəcək dərəcədə vitaminlər, mikroelementlər, turşular, minerallarla və müxtəlif faydalı birləşmələrlə zəngindir.Pomidor likopenlə zəngin olduğuna görə güclü antioksidant hesab edilr. Ürək damar sistemi xəstəliklərinə tutulma tezliyini azaldır. Tərkibində olan fitonsidlərə görə həm antibakterial həm də iltihab əleyhinə təsiri var. Pomidor al qırmızı rəngdə olub görkəmi ilə, ətri ilə iştahanı artırmasından əlavə, tərkibində olan serotoninə görə əhval ruhiyyəni də artırır. Amerika alimləri tərəfindən aşkar olunub ki, pomidor tumlarının ətrafında olan jeleyə bənzər substansiyanın tərkibində P-3 var ki, bu da tromb əmələ gəlməsinin qarşısını alır.pomidorun tərkibi 94% sudan ibarətdir. Həm də güclü diuretikdir. B qrup vitaminlə zəngin olduğuna görə dəridə olan qırışıqların qarşısını alır.Kalorisi az olduğuna görə bir çox dietaların tərkibinə daxildir. Tərkibindəki pektinə görə həm xolesterini aşağı salır həm də arterial hipertenziyanı nizamlayır. Tərkibindəki karotinoid və likopenə görə hər gün qida rasionunda pomidor istifadə olunarsa xərcəng xəstəliyinə tutulma riskini azaldır. Hindu qəbilələri potensiyanı artırmaq üçün pomidordan istifadə edirdilər. Fransızlar hədər yerə pomidoru məhəbbət alması adlandırmayıblar; la pomme de l'amour.