- Üzərlik yandırmaq- onun aromaterapiyanın, haradasa istilik və büxur üsulu ilə auranı təmizləməyin bir növü olmasını ehtimal etmək olar (aşağıda bu mövzuda geniş məlumat veriləcək).
Müqəddəs kitab olan Bibliyada da büxur haqqında məlumat vardır: Davud oxuyurdu: “Duam sənin önündə tüstü [“buxur”, YD] kimi...olsun” (Məzmur141:2)-Да будет моя молитва так же угодна тебе, как приготовленный фимиам.
-Zəliqoyma- qədimdən bu günə qədər Azərbaycanda inanılmış müalicə üsullarından biridir və aşağıda geniş məlumat veriləcək. Zəliqoymadan indi də müasir təbabətdə geniş istifadə olunur.
-Hacamat/qanburaxma - çox zaman banka salma ilə eyni vaxtda aparılır.
-Küpə/banka salma-Azərbaycanda bu gün də aktual olan qədim bir müalicə üsuludur.
Vakkumterapiya
Tibbi bankalarla müalicə — çoxəsrlik tarixə malik olan ənənəvi müalicə üsullarından biridir. Bu müalicə üsulu Qədim Misirdə, Qədim Çində də tanınırdı və keramikadan, bambukdan hazırlanmış bankalardan istifadə edilirdi. Əbu Əli İbn Sina da “Təbabət elminin qanunu” kitabında bankalarla müalicəyə önəm vermişdir. Doğrudur həmin dövrlərdə çərtmədən sonra banka/küp vasitəsilə qanburaxma müalicə üsullarından daha çox istifadə edilirdi. Bu üsuldan Orta əsrlərdə Avropada da istifadə edilirdi. Bu prosedurdan sonra yaranan xırda qansızmalar sonradan sorulmağa başladıqda autohematerapiya kimi təsir edir və immun sistemi gücləndirir. Ənənəvi banka salmalar əsasən pnevmoniya, bronxit, qabırğaarası nevralgiya, mialgiya və miozit kimi iltihabi xəstəliklərdə istifadə edilir. Son dövrlərdə isə vakkum massaj kosmetologiyada və sellyulitlərin müalicəsində işlədilir.
Amma tibbi bankaların əks göstərişləri vardır:
-Onkoloji xəstəliklər.
-Vərəm.
-Dermatitlər.
-Ağır ürək-damar xəstəlikləri.
-Dəri səthinin zədələnmələri.
-Yüksək hərarət.
-Qanın laxtalanma sistemindəki dəyişikliklər və s.
Ona görə də mütləq prosedurdan öncə həkim ilə məslə-hətləşmək lazımdır!

Müəllif: Firəngiz Rüstəmova
"FOLK VƏ YA XALQ TƏBABƏTİ" kitabından