Çiçəklər və bitkilər təbiətin gözəlliyi, həyat üçün vacib olan oksigen mənbəyi, həm də şəfavericidir. Olduqları hər bir yerdə sevinc hissi yaradan, könül açan, göz oxşayan çiçəklər, istər ayrı - ayrı insanların, istərsə də xalqların həyatında vacib rol oynayıb. Bəziləri xəstəlikləri müalicə edib, bəziləri körpələri, gözəlləri pis gözlərdən qoruyub, bəziləri eyvanları, bağçaları, bağları, bəziləri geyimlərimizi, saçlarımızı bəzəyib, insanları bu günə qədər aclıqdan qoruyub, ətrafımızı gözəlləşdirib, ömrümüzü uzadıb və s .Əfsanələrə görə yer üzündəki çiçəklər Tanrıların qanından yaranıb və Tanrı ən gözəl çiçəkləri ilk dəfə cənnətdə yaradıb. Bəlkə də elə ona görə bitkilər bu qədər şəfavericidir.
Yuxarıda Həyat Ağacından söhbət açmışdıq, amma Həyat Çiçəyi deyilən bir anlam da vardır.
Melxisedek Drunvalo Həyat Çiçəyi haqqında yazır: “Həyat Çiçəyi – sadə həndəsi fiqur olub, özündə dünyanın yaranış sirlərini daşıyır. Həyat Çiçəyinin Katrina Rafael tərəfindən Abidosdakı Ozirion məbədinin divarında oyma üsulu ilə işlənmiş təsviri aşkar edilib (bundan əlavə, daha iki məbəddə də Həyat Çiçəyinin təsviri aşkarlanıb ki, onlar da Ozirion məbədidir). Həyat Çiçəyinin təsvirinə yalnız Misirdə deyil, İrlandiyada, Türkiyədə, İngiltərədə, İsraildə, Çində, Tibetdə, Yuna-nıstan, Yaponiyada və s. dünya ölkələrində, həm də eyni adla rast gəlinir. Bu işarələr kosmosun, saf forma və nisbətin ilkin dilidir. Çiçək adlandırılması yalnız fiqurun çiçəyə bənzəməsi ilə əlaqədar deyil, həm də o bar verən ağacın həyat dövrünü, tsiklni (ağac-çiçək-meyvə-toxum-ağac və tsiklin bu cür möcüzəvi davamı) təmsil edir. Meyvə ağacı kiçik bir çiçək açır, sonra metamorfozalardan keçərək - albalı, alma və ya digər bir ağaca çevrilir. Həyatın tsiklləri, Həyatın həndəsəsi ilə paraleldir. Həyat Çiçəyinin mərkəzində yeddi dairə var ki, on-ları birləşdirsək Həyat Toxumunun təsviri alınar.
Həyat Çiçəyi ilə Həyat Ağacı arasında daha bir gizlin sirr, əlaqə var - Həyat Çiçəyinin daxilində Həyat Ağacı gizlidir.
Melxisedek Qədim Misirin yerli əhalisi hesab edilən Koptların xaç təsvirinin də Həyat Çiçəyi ilə əlaqəli olmasını yazır.
Diqqətlə fikir versək görərik ki, alban xaçı ilə kopt xaçı arasında həm görünüş, həm də Həyat Çiçəyi elementlərini özündə daşıması cəhətdən bir bənzərlik vardır.

Müəllif: Firəngiz Rüstəmova
"TƏBABƏT VƏ MİFOLOGİYA: GÖRÜNƏN VƏ GÖRÜNMƏYƏN ƏLAQƏLƏR" kitabından