İntervallı aclıq bədəni artıq maddələrdən təmizləməyə necə kömək edir?

Oruc mövzusundakı mübahisələr on illərdir davam etmir. Və bu sistemin müdafiəçiləri ilə əleyhdarlarının nəzəriyyələrini təhlil etmək üçün çox vaxt lazımdır. Bununla birlikdə, hazırda 36 saatlıq orucun həddindən artıq çəkini aradan qaldıraraq bədəni effektiv şəkildə sağalda biləcəyini iddia etmək üçün kifayət qədər əsaslı səbəb var.

2016-cı ildə Nobel Komitəsi fiziologiya və tibb sahəsindəki bir mükafatı da otofagiya mexanizmlərinin kəşfinə görə yaponiyalı alim Esinori Osumiyə verib. 73 yaşlı alim orucun inanılmaz faydalarını sübut edib. Oruc nəinki arıqlamağa kömək edir, eyni zamanda immuniteti möhkəmləndirir.

Milli.Az oxucuları 36 saatlıq orucun faydaları ilə tanış edir.

Əsaslı təmizlik

Uzunmüddətli araşdırmanın nəticələrinə əsasən, enerji mübadiləsini qorumaq üçün oruc zamanı orqanizm lazımsız toksinləri bədəndən xaric edir. Adi vaxtda, yemək yedikdə bədənimiz qidadan ehtiyat götürür. Qeyd etmək lazımdır ki, bədənin "təmizlənməsi" daim baş verir, lakin ac günlərdə maksimum təmizlənmə müşahidə olunur: enerji axtarışında olan sistem bədəni nəzərdən keçirir və hüceyrələri toksinlərdən xaric edir. Yeri gəlmişkən, oruc zamanı xəstəliyin müxtəlif dövrlərində hüceyrədə yerləşmiş viruslar və bakteriyalar da məhv olur.

Gündəlik iş

Həftədə bir dəfə və ya ayda iki dəfə oruc tutmaq tövsiyə edilir. Hazırlıq mərhələsində meyvə-tərəvəz, dənli bitkilərdən ibarət yüngül pəhrizə keçməli və spirtli içkidən imtina etməlisiniz. Oruc saxladığınız gün evdə oturmamaq, maraqlı məşğuliyyətlər tapmaq daha yaxşıdır (amma çox enerji sərf etməyən). Məsələn, gəzmək, filmə baxmaq. Axşam dəniz duzu ilə duş qəbul etmək və erkən yatmaq olar. Ertəsi gün düzgün bəslənməyə riayət etmək və turşuluğu artıran qidalardan (qəhvə, şəkər) imtina etmək daha yaxşıdır. 36 saatlıq oruc gecə və gündüzdən ibarətdir, buna görə sağlam yuxuya diqqət etməlisiniz. Yatmazdan əvvəl instaqram lentinə göz gəzdirməkdən imtina edin.

Nəyə diqqət etməlisiniz?

İlk dəfə olduqca çətin ola bilər, bir çoxları baş ağrılarından və pis əhvaldan şikayətlənir. Lakin axşama doğru aclıq elə də dözülməz olmur.

İstənilən halda 36 saatlıq oruc tutmazdan əvvəl həkimlə məsləhətləşmək və əks göstərişlərin olub-olmadığını araşdırmaq tövsiyə edilir. (publika.az)