"1551-ci ildə məşhur Əhlət savaşında Osmanlı ordusunu ağır itkilərə məruz qalır. Bu savaşdan sonra Sultan Süleymanın sevimli həyat yoldaşı, Osmanlı sarayını altını-üstünə çevirən Xürrəm Sultan Şah Təhmasibin həyat yoldaşına məktubunda yazır ki, “ərinizə deyin ki, bu savaşları dayandıraq və sülh olsun”.
Təhmasibin həyat yoldaşı türk qızı idi. Bu qayda idi. Vəliəhdin anası mütləq türk qızı olmalıdır. O, Dağıstan türklərindən, kumıklardan idi. Amma o zaman belə bir bölgü yox idi. Bu türk qızının Xürrəm Sultana cavabı çox orijinaldır: “Bizim ərlərimiz arvad sözü ilə oturub durmur. Yaxşı olardı ki, bu məktubu onun bacısına yönəldəsiniz”.
Məktub Təhmasibin bacısı Pərixan xanıma yönəldiləndən sonra 1555-ci ildə məşhur Amasya müqaviləsi imzalanır."
Kərəm Məmmədov
Tarixçi alim