Son dəqiqə
Alma...
Əski Türklərdə meyvələrin həm anası həm də atası hesab edilən, Qafqazda, Anadoluda yaranmış Alma; dünyaya Mərkəzi Asiyadan, daha doğrusu Qazaxstandan yayılıb. Demək olar ki, əksər hava şəraitində yaşaya bilən, bütün dünyaya yayılmış bu qədim meyvənin o qədər çox növü var ki, əgər gündə bir növ alma yemək istəsək; 20 il vaxt lazım gələr ki, bütün növlərin dadına baxa bilək. Çünki almanın 7000-ə yaxın (bəzi mənbələrə görə isə 7000-dən çox) növü var. Latın d.Malus adlanan Alma ağacı və ya meyvəsi– gülçiçəklilər (latın d. Rosaceae) fəsiləsinə aid olan bitki cinsidir. Bu fəsilə, ailə özündə bir sıra tanıdığımız meyvələri də birləşdirir: armud, badam, ərik, albalı/gilas, gavalı/alça, şaftalı və s.
Alma prototürk sözü olub demək olar ki, türk xalqlarının hamsında fonetik olaraq eyni cür səslənir:
- Azərbaycan, Başqırd, Qazax, Qaraçay-Balkar, Tatar, Qırğız, Osmanlı türkcəsində, Qaqauz, Qaraqalpak, Noqay, Uyğur,Türkmən, Kumık dillərində alma
- Türk d. elma
- Özbəklərdə olma
- Çuvaşlarda ulma
Hətta Macar dilində belə bu gözəl meyvə alma adlanır. Portuqal, Qalisiya və İspan dillərində isə alma sözü; ruh deməkdir (ardı var).
F. Rüstəmova[/b][b]
