ABŞ alimləri insanın ömrünü 20 il və ya daha çox uzada biləcək bir sıra vərdişlərin olduğunu göstərən genişmiqyaslı araşdırma aparıblar.

KONKRET.az xarici KİV-ə istinadən xəbər verir ki, alimlər qırx yaşdan yuxarı insanların fəaliyyətini izləyib.

Araşdırmalar göstərib ki, sağlam həyat tərzi və əlaqəli vərdişlər ömrü əhəmiyyətli dərəcədə uzadır.

“Sağlam həyat tərzi həm də şəxsi rifah üçün vacibdir. Nə qədər tez başlasanız, bir o qədər yaxşıdır. 40, 50 və ya 60 yaşlarınızda kiçik bir dəyişiklik etsəniz belə, yenə də faydalı olacaq”, – deyə tədqiqatın aparıcı müəllifi Dr. Xuan-May Nquen bildirib.

Belə ki, tədqiqatlar 40 yaşında bu səkkiz vərdişin hamısına sahib olan qadınların bu vərdişləri olmayanlara nisbətən orta hesabla 21 il daha çox yaşaya biləcəyini müəyyən edib.

Eləcə də səkkiz vərdişin hamısına sahib olan 40 yaşlarında olan kişilər olmayanlardan orta hesabla 24 il daha çox yaşayır.

Belə ki, bura siqaretdən imtina, müntəzəm spirt və narkotik istifadəsinin olmaması, düzgün qidalanma, yaxşı yuxu, stressin idarə edilməsi, fiziki fəaliyyət və müsbət emosiyalara səbəb olan insanlarla münasibətlər daxildir.

İqbal Rzayev,
KONKRET.az