Mədə yanması koronar ürək xəstəliyinin əlaməti ola bilər.

Medicina.az xəbər verir ki, beynəlxalq kardioloq professor Caqdiş Xubçandaninin sözlərinə görə, mədə yanması ilə əlaqəli hisslər bəzən koronar ürək xəstəliyini göstərə bilər.

Koronar ürək xəstəliyinin inkişafı arteriyalarda "pis" xolesterolun toplanması və aterosklerozun inkişafı ilə sıx bağlıdır. Bir çox hallarda koronar ürək xəstəliyi infarktın xəbərçisi olur.

Alim sinə ağrısını problemin əsas göstəricisi kimi müəyyən edib.

"Onlar yalnız xoşagəlməz fiziki hisslər kimi deyil, həm də narahatlıq, sıxılma və ya ağırlıq hissi kimi özünü göstərə bilər. Vəziyyət xüsusilə stress və ya gərginlik ilə ağırlaşa bilər", - deyə kardioloq izah edib.

Mütəxəssis həmçinin bədən gövdəsinin yuxarı hissəsində narahatlıq və ya qəribə hisslərə diqqət yetirməyi məsləhət gördü.

Onun sözlərinə görə, insan çənə, boyun, bel və ya çiyin nahiyəsində ağrı hiss edə bilər.

Bundan əlavə, nəfəs alma və həzm çətinlikləri ürəyin xəstə olduğunu göstərir.

Ürək-damar xəstəliyi haqqında yeni məlumatlar müalicəni dəyişdirə bilər.

"Nəfəs darlığı və nəfəs almaqda çətinlik ürək xəstəliyinin əsas simptomlarından biri olsa da, ürək yanması və həzmsizlik daha az nəzərə çarpır", - deyə ekspert paylaşdı.