Səhər oyananda bəzi vərdişləri etmək olmaz.

Medicina.az xəbər verir ki, bu barədə uzman nevroloq Nailə Əkbər bildirib:

"Birincisi, gözümüzü açar-açmaz telefona baxmaqdır. Sosial media hesablarına, mesajlara, bildirişlərə və s. baxırıq. Bu zaman qanda stress hormonları yüksəlir və insan təşvişli hala gəlir. Ona görə də səhər oyananda telefona baxmamağa çalışın. Çünki gün ərzində stressli, narahat bir durumda ola bilərsiniz.

İkincisi, fiziki aktivliyi səhərlər unutmayın. Çox deyil, cəmi 5 dəqiqə ərzində qollarınızı, ayaqlarınızı, onurğanızı yavaş və gərmə şəklində idman etdirin. Bu, gün ərzində sizin elastik və enerjili hiss etməyinizə səbəb olacaq.

Üçüncüsü, dişlərinizi fırçalayın və bir böyük stəkan su için. Xüsusilə 200-300 ml suya çox ehtiyacımız var. Gecə səhərə qədər susuz qalan beyin və bədən üçün çox vacibdir. Bu vərdiş yaddaş və diqqətinizi toplamağa kömək edəcək, eyni zamanda xroniki ağrılarınız varsa, onu da azaldacaq".