Böyrək daşları böyrəklərdə əmələ gələn sərt kütlələrdir və adətən kalsium, oksalat və sidik turşusu kimi mineralların yığılmasının nəticəsidir.

Medicina.az xəbər verir ki, böyrək daşları bir çox insanın həyatını çətinləşdirən ümumi sağlamlıq problemidir.

Böyrək daşları ilə mübarizədə ilk addım çox vaxt təbii üsullar və həyat tərzi dəyişiklikləridir. Bu yanaşma 5 mm və ya daha az ölçülü daşlar üçün xüsusilə təsirli ola bilər. Mütəxəssislər gündə ən az 2-3 litr su içməyin vacibliyini vurğulayırlar. Bol maye içmək sidiyi sulandırır, kiçik daşların keçməsini asanlaşdırır.

Daşların keçməsi prosesində fiziki fəaliyyət də mühüm rol oynayır. Daimi idman daşların sidik yollarından keçməsini sürətləndirə və ağrıları azalda bilər. Bununla belə, həddindən artıq gərgin idmandan çəkinmək lazımdır.

Pəhriz vərdişlərinizi nəzərdən keçirmək də faydalı ola bilər. Oksalatlar, kalsium, natrium və purinlər kimi maddələrin həddindən artıq istehlakından qaçınmaq yeni daş əmələ gəlməsinin qarşısını ala və mövcud daşların keçidini asanlaşdıra bilər.

TİBBİ MÜDAXILƏ

Təbii üsullar kifayət etmədikdə, tibbi müdaxilə lazım ola bilər. Həkiminiz daşın ölçüsünə və yerindən asılı olaraq müxtəlif müalicə variantları təklif edə bilər.