Psixoloq Natali Dautoviç deyir ki, yaz aylarında yuxuya getmək daha çətindir və yuxu daha narahat olur.

Ailehekimiklinikasi.az e-saglam.az-a iatinadla bildirir ki, "HuffPost" ilə söhbətində o, bunun səbəblərini adlandırdı.

Mütəxəssisin fikrincə, yuxunun keyfiyyətinə bir çox ekoloji faktorlar təsir edir. O, aydınlaşdırıb ki, yaz aylarında gündüz saatlarının uzunluğu artdıqda, bayırda və evdə havanın temperaturu yüksəldikdə tez-tez yuxu problemləri yaranır.
Psixoloq izah etdi ki, orqanizmin yeni şəraitə uyğunlaşması üçün vaxt lazım ola bilər. “Vücudumuz rutini sevir. Yuxu-oyanma dövrü ardıcıllığa çox həssasdır, ona görə də istənilən dəyişiklik pozucu ola bilər”, – Dautovic xəbərdarlıq edib.

Bundan əlavə, psixoloq qeyd edib ki, yazda yuxunun pisləşməsi çiçək açan ağacların yaratdığı allergik reaksiyaya görə baş verə bilər. Həmçinin, onun sözlərinə görə, səbəb rejim dəyişikliyi ola bilər. O izah etdi ki, isti mövsümdə insanlar adətən gec yatırlar.