Medicina.az erkən mərhələlərdə fərq edilə bilən hamiləliyin bəzi əlamətlərini təqdim edir:

Döşlərdə həssaslıq

Hamiləliyin ilk həftələrində hormonların təsiri ilə döşlər şişə və həssaslaşa bilər. Döşlərinizdə həddindən artıq həssaslıq və ya ağrı hiss edirsinizsə, bu, erkən hamiləliyin əlaməti ola bilər.
Çanaq ağrısı

Uşaqlıq böyüdükcə və ya döllənmiş yumurta uşaqlığa yerləşdikdə (implantasiya) yüngül kramplar və ya bel ağrısı baş verə bilər. Bu, menstruasiya başlamazdan əvvəl yaşanan kramp hissindən fərqli ola bilər.

Qanaxma

Bəzi qadınlar yüngül qanaxma ilə qarşılaşa bilər. Bu qanaxma adətən menstrual qanaxmadan daha yüngül olur və qəhvəyi və ya çəhrayı rəngdə ola bilər.

Yorğunluq və həddindən artıq yuxu ehtiyacı

Bədəniniz böyüyən embrionu dəstəkləmək üçün əlavə enerji sərf edir və bu, həddindən artıq yorğunluq hissi yarada bilər. Hər zamankindən daha çox yatmaq istəyirsinizsə, hamiləlik ehtimalını nəzərdən keçirə bilərsiniz.

Bulantı və yemək istəyi

Bəzi qadınlar erkən hamiləlik dövründə ürəkbulanma və ya yemək istəyi ilə qarşılaşa bilərlər. Bu, hormonal dəyişikliklər səbəbindən baş verə bilər.

Şişkinlik və qəbizlik

Yüksək hormon səviyyələri həzm sistemini yavaşladır, bu da şişkinlik və ya qəbizlik problemlərinə səbəb ola bilər. Əgər bu əlamətlər davam edərsə və menstruasiya gecikirsə, hamiləlik testi alıb.yoxlamağın vaxtıdır.

Tez-tez sidik ifrazı

Hamiləliyin çox erkən mərhələlərində böyrəklərə qan axınının artması səbəbindən tez-tez sidiyə çıxma baş verə bilər. Yanma və ya infeksiya əlamətləri yoxdursa, bu da erkən hamiləliyin əlamətidir.

Vaginal axıntı

Hamiləlik dövründə vaginal axıntıda artım ola bilər. Bu axıntı adətən ağ və ya süd rəngdədir və qoxusuzdur.

Bu simptomları görsəniz, hamiləlik testi aparmaqla bədəninizin sizə verdiyi siqnalları təsdiqləyə bilərsiniz.