Xəbərlər



Britaniyalı alimlərdən pandemiya barəsində ÜZÜCÜ PROQNOZ
Britaniyalı alimlərdən pandemiya barəsində ÜZÜCÜ PROQNOZ


Fövqəladə Hallar üzrə Elmi Məsləhət Qrupuna (SAGE) görə, koronavirus azı 2026-cı ilə qədər ciddi təhlükə yaradacaq.

“SARS-CoV-2 səhiyyə sistemini təhdidə və azı beş il ərzində peyvənd və məlumatların monitorinqi vasitəsilə aktiv nəzarət tələbinə davam edəcək”, - deyə bildirilir.

BAKU.WS "oxu.az"a istinadən xəbər verir ki, mütəxəssislərin fikrincə, peyvəndləmə və xəstəliyin yayılmasının ümumilikdə qarşısının alınması üçün tədbirlər kifayət qədər effektiv olmasa, bu müddət arta bilər.

Bundan əlavə, britaniyalı alimlər müəyyən ediblər ki, Birləşmiş Krallıqda Avropanın qalan hissəsi ilə müqayisədə yoluxmanın artması ilə bağlı vəziyyət stabilləşib. Onların fikrincə, buna geniş yayılmış peyvənd kampaniyası sayəsində nail olunub.

Buna baxmayaraq, müxtəlif ölkələrin ekspertləri koronavirusun yeni dalğasını istisna etmirlər. Bu, SARS-CoV-2-nin Ümumdünya Səhiyyə Təşkilatının “narahatlıq doğuran” kimi müəyyənləşdirib, yunan hərfi “Omikron”un adı ilə adlandırdığı yeni ştammı - B.1.1.529-la əlaqədardır.
Baxış sayı: 474