Almaniya kansleri Olaf Şolts Ukraynadakı münaqişənin bitmə vaxtını təxmin edib. Bunun tezliklə baş verməyəcəyini deyib.

Publika.az xəbər verir ki, o, belə bir proqnozu ZDF telekanalının efirində verib

Siyasətçi Almaniyanın “Leopard 2” tanklarının Ukraynaya çatdırılmasının vacibliyini vurğulayıb:

"Onlar çox effektivdir və bu baxımdan çox faydalı olacaqlar", - Şolts tankların münaqişənin nəticələrinə təsir etmək qabiliyyətini şərh edərkən deyib.

O, həmçinin Rusiya tərəfini Kiyevə dəstəyin zəifləyəcəyinə ümid etməməyə çağırıb.

Bundan əlavə, Almaniya kansleri NATO-nun münaqişənin birbaşa iştirakçısı olmaq istəmədiyini xatırladıb. Ona görə də o qeyd edib ki, heç bir halda Ukrayna üzərində uçuşa qadağa zonası tətbiq edilməyəcək.

Şolts əlavə edib ki, ittifaq əsgərlərinin göndərilməsi istisna olunur. O, münaqişənin Rusiya ilə NATO arasında müharibəyə çevrilməməsi üçün hər cür səy göstərəcəyini vəd edib.

Siyasətçi ondan Ukraynanın qalib olub-olmaması ilə bağlı suala birbaşa cavab verməkdən yayınıb. O, "uduzmamalı" olduğuna işarə edərək, "Rusiya öz məqsədlərinə çatmamalıdır" deyib.

Xatırladaq ki, yanvarın 25-də Almaniya Ukraynaya "Leopard" tanklarının tədarükünə icazə verib. Birinci mərhələdə 14 tank Kiyevə təhvil veriləcək. Bundan əlavə, yardım paketinə hərbi təlim, döyüş sursatı, texniki xidmət və logistika yardımı daxildir.