“Əgər həqiqətən də Ukrayna pilotsuz təyyarələri Rusiya sərhədindən 500 km-dən çox məsafədə yerləşən Rusiya Hərbi Hava Qüvvələrinin hərbi aerodromlarında bombardmanlarda iştirak edirsə, bu, Ukraynanın indi sərhəddən 400 km məsafədə yerləşən Moskvanı vurmaq üçün texnoloji imkanlara malik olduğunu göstərir”.

Publika.az xəbər verir ki, bunu Avstraliyanın istefada olan generalı Mik Rayan deyib.

“Bu, qətiyyən o demək deyil ki, Ukrayna Moskvaya hücum edəcək. Əslində, Kiyevin Moskvaya hücum etməkdən çəkinməsinin səbəbləri var. Amma belə bir şaxələnmiş şəhərə zərbə endirmək ehtimalı paytaxtda bir neçə yuxusuz gecəyə səbəb olacaq”, - “Forbes” generaldan sitat gətirib.

Eyni zamanda, "Forbes" yazır ki, Rusiya paytaxtına hücum “ədalətli oyun" olardı.

Moskvada kifayət qədər potensial strateji hədəflər var. Ukraynanın da zərbə vurmağının bir neçə yolu var. Ən sadə, lakin ən risklisi insanlar tərəfindən təxribatdır.

Sabotajın alternativi pilotsuz təyyarələrin zərbəsidir. Rusiya hərbi aerodromlarına hücumu qismən də olsa, sovet dövründən qalan Ukraynaya məxsus Tu-141 reaktiv kəşfiyyat təyyarələri həyata keçirə bilərdi. İddialara görə, Ukrayna Hərbi Hava Qüvvələri pilotsuz təyyarələrin kameralarını partlayıcı maddələrlə əvəz edib və onların inertial naviqasiya sistemlərini Diaqilevo və Engelsdə yerə atmaq üçün proqramlaşdırıb. Ukrayna Hərbi Hava Qüvvələrində nə qədər Tu-141 və buna bənzər Tu-143-ün qaldığı məlum deyil. Lakin Kiyevin onları Moskvaya yönəldə bilməməsinin heç bir texniki səbəbi yoxdur. Dronlar min kilometrə yaxın məsafədə fəaliyyət göstərə bilir.

“Ukraynalıların Moskvanı vurmamasının əsas səbəbi odur ki, bu, dinc əhaliyə təhlükə yarada bilər. Əslində, Rusiyanın Ukrayna şəhərlərinə hücumlarına gəlincə, mahiyyət dinc əhalini öldürmək, onlara zərər vermək, köçürmək və qorxutmaqdır”, - “Forbes” yazır.