Rusiya Dövlət Dumasının MDB işləri, Avrasiyaya inteqrasiya və həmvətənlərlə əlaqələr komitəsi sədrinin birinci müavini Konstantin Zatulin ehtimal edib ki, Ermənistan yaxın gələcəkdə Kollektiv Təhlükəsizlik Müqaviləsi Təşkilatından (KTMT) çıxdığını elan edə bilər.

Publika.az xəbər verir ki, siyasətçi belə bir fikri “Abzaz” Telegram kanalında bildirib.

Onun sözlərinə görə, böyük ehtimalla respublikada Rusiya telekanallarının bağlanması ilə bağlı qərar veriləcək.

O, ötən il Ermənistana girişinə qadağa qoyulduğunu da xatırladıb və bu təşəbbüsləri regionda Rusiyanın təsirinə qarşı mübarizə ilə əlaqələndirib.

“Bundan başqa, yaxın gələcəkdə Ermənistanın KTMT-dən çıxmasına cəhd ediləcək və Gümrüdən Rusiya hərbi bazasının çıxarılması məsələsi qaldırılacaq”, - Zatulin bildirib.