Şizofreniyanın əmələ gəlməsində irsi meyllik əsas rol oynayır. Zahiri faktorlar (psixi travmalar, keçirilmiş xəsəliklər, baş travmaları və s.) ikincili əhəmiyyət daşıyır və sadəcə psixopatoloji prosesin aktivləşdiricisi kimi olur.

Şizofreniyanın simptomları

Eşitmə psevdohallyusinasiyaları (məsələn, kimsə xəstəyə öz fikirlərini yeridir və ya onun fikirlərini əlindən alır);

Təsir sayıqlaması (kimsə və ya nəsə qeyri-adi üsulla təsir edir, fikirlərinə, hisslərinə, davranışlarına rəhbərlik edir və ya onun səhhətini təhlükə altına atır);

Verbal hallyusinasiyalar (xəstə səslər eşidir);

Davamlı qəliz sayıqlama (başqa planetlərdən gələnlərlə, digər dünyalarla kontakt və s.);

Emosiyaların səthiləşməsi, qeyri adekvatlığı və yoxsullaşması.

Həmçinin katatoniya (stupor, hərəkətə gəlmə) simptomları, idarə olunmayan fikir axını epizodlrı, nitqin qırılması, apatik-abulik sindromun əlamətləri, iradəsizliyin laqeydliklə və istəklərin itkisiylə birləşməsi rast gələ bilər