Xəstə bina sindromu. Müasir dövürdə yaradılmış *daxili ətraf mühit* mövcuddur. Əvvəllər binalar tikiləndə təbii ventilyasiya alınırdı və binalara təmiz hava kütləsi daxil olurdu. İndi isə texniki proqres tikilmiş məkanları ətraf mühitdən ayırmışdır. Belə ki, bu məkanlara hava sünii ventilyasiya vasitəsilə daxil olur və bu ventilyasiyalar kimyəvi maneələrdən, filtirlərdən keçirilir. Bu cür qapalı məkanlarda spesifik xəstəliklər olur. Məs. havadakı gənələrə, göbələk sporalarına və metabolitlərinə, tozlara qarşı allergiyalar, ətrafda yerləşən kimyəvi materialdan alınmış əşyalardan buxarlanan tərkibə və kimyəvi filtirlərdən keçən havaya qarşı olan allergik reaksiyalar, məkanda intensiv çəkilən siqaret tüstüsündən və işləyən mühərriklərin tüstüsündən çıxan dəm qazı ilə zəhərlənmə, kontakt yolu ilə xəstədən sağlama ötürülən vərəm və leoginelyoz kimi xəstəliklərə tutulmaq mümkündür. Bəs binanın xəstə olmasını nədən bilmək olar. Belə binalardan əsasən kif iyi gəlir. Binaya daxil olandan sonra baş ağrı, yorğunluq, allergiya, qaşınma. Ürəkbulanma, iylərə həssaslıq, gözün və burunun selikli qişalarında qıcıqlanma kimi əlamətlər olur. Binanı tərk etdikdən sonra isə bu əlamətlər itir. Binaya qayıdanda yenidən başlayır.