“ABŞ Sanksiyalarla Mübarizə Qanunu (CAATSA) çərçivəsində Türkiyə iqtisadiyyatı üzərində dağıdıcı qasırğa əsdirmək gücündədir. Qanun ABŞ-a bu gücü verir”.
Bunu türk politoloq Sərdar Turqut deyib.
Ekspertin fikrincə, ABŞ may ayından sonra bu qanun çərçivəsində Türkiyə iqtisadiyyatına sarsıdıcı zərbə vura bilər:
“Bu kimi sanksiyaları koordinasiya edən ABŞ Xəzinə Nazirliyi və Vaşinqtonun güc iyerarxiyasının əsas oyunçuları olan xəzinə naziri Mnuçin və Trampın müşaviri Con Bolton ABŞ-ın Türkiyəyə qarşı bu sanksiyalardan istifadə etməsini istəyir.
“Tramp bunu əngəlləyə bilər”, deyə düşünməyin, çünki onun belə bir gücü yoxdur. Adıçəkilən şəxslər Konqresi də idarə edə bilirlər, ən əsası isə Türkiyə qarşı dayanıblar. Trampın özü də Türkiyəni iqtisadi dağıntılarla təhdid etmişdi”./Teleqraf.com