Rusiya Federasiya Şurasının Beynəlxalq Məsələlər Komitəsinin sədri Qriqori Karasin Serbiya Prezidenti Aleksandr Vuçiçin Kiyevə səfərinin nəticəsini gözləməyə çağırıb.

Publika.az xəbər verir ki, senator “Lenta.ru” ya verdiyi müsahibədə Serbiya liderinin Ukraynaya səfərini şərh edib:

"Rəy formalaşdırmaq çətindir. Düşünürəm ki, bu görüşün nəticəsini gözləməliyik. Çünki istənilən görüş ya qarşılıqlı anlaşma, ya da əksinə, baxışlarımızın üst-üstə düşmədiyinin etirafı ilə başa çatır. Gəlin nəticələri gözləyək".

Senatorun sözlərinə görə, Vuçiçin Kiyevə səfərinin nəticəsini əvvəlcədən proqnozlaşdırmaq mənasızdır:

"Ola bilsin ki, onun Ukrayna münaqişəsinin həllinə yönəlmiş təmaslarla bağlı müsbət niyyətləri və ya öz planları, Ukrayna rəhbərliyinin beynəlxalq coşqunu azaltmağa yönəlmiş bəzi istəkləri var. Hər şey mümkündür. Buna görə də siyasətdə tələsməmək vacibdir. Hər halda, səfərin nəticələri diqqətlə öyrənilməli və müvafiq nəticələr çıxarılmalıdır".